قصة التاكسي رووووووووووووعـه

من طرف **الحوت** الأربعاء أغسطس 27, 2008 9:24 am

إنسان عادي مثل باقي الناس اسمه حميد .

حميد في يوم من الأيام اختربت سيارته, وماكان قدامه إلا انه يستخدم سيارة التاكسي, الي راعيها مسافر, و إلي هو كفيله.

عشان يقضي مشاويره .

كانت هناك بنت آيه في الجمال

حصة كانت معزومه على عرس صديقتها فراحت هي وأختها مريم. وبنت خالتهم منى .

ركبوا السيارة مع السائق وهم في نص الطريق اختربت سيارتهم, وقفوا في الشارع, والسائق يحاول يتفلسف ويصلح السيارة ولكن مافي فايدة .

وفي نفس الوقت حميد كان واقف يسحب من ماكينة السحب الآلي, وهو راكب التاكسي, وفجأه إلا بثلاث بنات يفتحون باب التاكسي ويركبون .

مريم : رفيق امشي ودينا قاعة الافراح.

حميد مستغرب وحاير ويكلم نفسه وش أسوي و ش هالورطه
والله حاله, صرت رفيق بعد, يالله ماشي .

حميد : زين ماما .
مريم : وهي محرجه أنا مب أمك .

حصة : اسكتي هاذولي الهنود كذا .

المهم حميد وداهم المكان المطلوب وهو طول الوقت عايش بجو غريب يتخيل نفسه لو كان سائق تاكسي ويقول الله يعينكم يالهنود.

حميد..وصلهم المكان المطلوب وقبل نزولهم من التاكسي أعطوه عشرة ريال.

صاحبنا خذ العشرة وهو مسكين ماهو عارف وش يسوي لازم يأخذ الفلوس حاله مثل باقي التكاسي ، وهم نازلين .

منى : رفيق جيب الباقي.

حميد : وهو في حالة ارتباك.. كم يبغي ماما .
منى :هات خمس ريال ليه أول مره أتوصل ناس!؟

حصة : منى عيب شوي شوي على الرجال.

نزلوا البنات شوي بعيد عن القاعة عشان ماحد يشوفهم نازلين من تاكسي .

وراح حميد وهو يضحك من الموقف ويقول من يصدق هالسالفه

في القاعة بعد ماقعدو في أحد الطاولات .

حصة: منى وين موبايلي .

منى : ماهو عندي.

حصة: مريم موبايلي عندك.

مريم : لا يمكن نسيتيه في البيت.
حصة : لا كان عندي في التاكسي.

منى : أجل طاح في التاكسي.

حصة : مريم , منى, حد فيكم يتصل على موبايلي يمكن يرد عليكم راعي التاكسي .

اتصلت مريم كم مره محد رد وجربت منى بعد محد رد .

حميد في التاكسي وما يدري انه فيه موبايل على الكرسي و كان على الهزاز .

حميد راح المغسله يجيب ملابسه ولما وصل المغسله.. الهندي كان يحط الملابس في الكرسي اللي ورا ، كان يقول بابا في موبايل

صاحبنا أخذ الموبايل ، قال أكيد هذا حق وحده من البنات اللي ركبو معي أنا ناقص طول لسانهم ؟! شاف الموبايل مليان من المس كول ، قال لازم بيتصلون أيدورونه ، حط الموبايل على حضنه وهو يسوق ، وبعد اشوي اهتز الموبايل ...

حميد: الوووو

مريم : الوو رفيق وين انته جيب موبايل حق انا
حميد : ماما أنا معلوم أنتي.. أنتي حرمه

مريم : مالت عليك.. تعال بعد ساعة, وجيب موبايل, وودنا البيت بعد.

حميد: زين ماما واحد ساعة بعد.

مريم: أنا مب أمك.. يالله لا تنسى

حميد : ايكلم نفسه وش هاالورطه اللي أنا فيها.. أنا أهلي ماجيبهم من الأعراس,, وقلق الأعراس,, أنحكم علي أجيب بنات الناس وأتهزأ .

بعد ساعة جاء حميد نفس المكان,, وجو البنات الثلاث كان يدق لهم هرن وهو منزل راسه عشان محد ينتبه لملامحه ، كان يركبون التاكسي .

منى : فضحتنا تدقق هرنات.. كل العالم شافونا ونحن نركب الروزرايز حقتك ؟!

مريم : شفتوا العروس؟؟ واجد أحلا من المعرس.. هو شكله اقصر منها .

حصة : يالله الله يوفقهم مادام يحبون بعض بيعيشون مرتاحين.

منى: شو هالاكل.. لاعت كبدي.. مادري من وين مسوينه

بنمر مطعم ناكل شي أنا جوعانه.

مريم: هيه والله حتى أنا .

حصة : بس بناخذ سندويشات بسرعة عشان مانتأخر ورانا محاضره.. أمي بتهزئنا على التأخير.

مريم : أجل بنروح هوت برغر, على طريقنا.
منى : رفيق أمشي ودينا هوت برغر.

حميد: زين ماما
مريم : منى. هذا ولد منو؟؟ ولدي وإلا ولدك؟؟

منى : ولد أي حد يركب معاه .

حميد وهو يكلم نفسه: اطنزوا هندي سرت أنا. لازم اتحمل
وصلوا الجماعة الهوت برغر وكل وحده طلبت اللي تبغاه

حصة: رفيق.. يبغي ياكل شي؟؟

حميد : لا ماما أنا الحين سوي أكل.

مريم: هذا همبورغر..

المهم الجماعة خذو طلباتهم وراحو البيت

وهم في الطريق للبيت رن موبايل حميد ، حميد شاف التليفون مكتوب البيت قال في نفسه هاذي الوالدة "اتصلتي في وقتك يا أمي"

حميد: الووووووووو

أم حميد: وينك

والبنات طبعآ في التاكسي ويسمعون الحوار اللي بيدور

حميد: والله وش أقول لك يمه

أم حميد: خير ولدي وش بلاك

وقال السالفة حق أمه بالتفصيل وباللهجة المحلية

البنات من سمعوا المكالمه اتعشوا وسكتوا وساروا مثل

الأصنام ولا همس !!! ،المهم نزلهم حميد وهم نازلين................

حميد : هاذي الخمس ريال حقتكم أنا ماني راعي تاكسي خذوها

نزلوا البنات وهم في حالة اندهاش !!!!؟؟
دخلوا البيت وراحوا الغرفه وكل وحده اتشوف الثانية وماهي عارفة وش تقول ..

حصة : معقولة اللي صار

منى : اسكتو عني أنا بنفسي متفشله لين الحين

مريم : أنا وش أقول.. أنا اكثر وحده هزأته ..

حصة : بصوت عالي الحقو ... نسيت موبايلي مرة ثانيه في التاكسي

مريم: ايششششششششششششش ؟؟

منى : ماهو وقت النكت الحين
حصة: صدق والله. يوم طلعت الفلوس حقت المطعم, طلعت الموبايل من الشنطه, كان أنساه على الكرسي ،وش الحل ؟

مريم : أنا لو تموتون مابتصل مالي وجه

منى: حصة لا تطالعيني.. أنا صح وجهي لوح.. بس هذا مواطن لا تقوليلي اتصلي

جلست حصة حايره.. وش أسوى اتصل وش أقول ؟؟

حميد راح البيت ولما وصل , كانو طالبين منه أغراض ايجيبها من

السوبر ماركت وهو ينزل الأغراض ، شاف الموبايل طايح تحت المقعد حق التاكسي.

قال : معقولة!!؟ وش هالحاله ؟؟

المهم حميد شال الموبايل معاه وراح حجرته وحط الموبايل عند موبايله وتم طايح على السرير لين ماغفت عينه ونام .

حصة في البيت وتفكر في حل وبعد تفكير جلست تقنع نفسها وش يعني أنا بتصل وبقوله ابغي موبايلي مافيها شي ،بس الحين الساعة ثلاث في اليل عادي هذا أكيد صاحي وبعدين أنا بتصل على تليفوني .

المهم اتصلت حصة

حميد وهو راقد: الوووووو

حصة : الووووووووووو

حميد راقد ولا يدري وش صاير وناسي الموضوع ويحسب المكالمة على موبايله

حميد : من أنتي؟

حصة : أنا صاحبة الموبايل

حميد: أنتي فاضيه متصلة على موبايلي وتتمصخرين ويقفل الموبايل في وجهها

حصة :أتكلم نفسها هذا راقد صدق ولا يتمصخر.

قام حميد من الرقاد الساعة ثمان ،وهو يسبح قال أنا كأني كلمت حد في الليل ؟ لايكون البنت !! المهم طلع من الحمام وشيك على الرقم والوقت .

حميد وهو يكلم نفسه: أنا وش خبصت؟؟

المهم جلس حميد حاير وش يسوي قام واتصل على الرقم اللي اتصلت منه البنت لكن طلع له المسج المشؤوم .

(ليس لديك الرصيد الكافي) .

حميد : تليفون البنت مافية رصيد كيف اتصل من تليفوني مو حلوه

راح واشترى بطاقة من الدكان ، ودخل الرصيد.. وبالغلط اتصل على تليفونه من موبايل البنت ، كان يرن عنده.. وقال أنا غبي فين متصل ؟؟

المهم بعد فتره رن تليفون حصة اللي عند حميد .

شذى : الوووووووو حصة
حميد : الووووووووووو

شذى: مين انته؟؟

حميد: ماما أنا نفر مال تاكسي.. هذا حرمه يخلي تليفون داخل السيارة.

شذى : انزين رفيق, انته ماتقفل التليفون الحين, أنا يخلي نفر حق تليفون يسوي تليفون .

حميد : زين ماما والمسكين من كثر مامثل دور الهندي قام يهرج نفسه ويهز راسه .

شذى : الووووو مريوم وين اختك حصة

مريم: وجع براسك الناس يسلمون أول … لحظه

حصة : الوووووو هاوش بلاك

شذى: حصلت تليفونك.

حصة وهيه مستغربه: تلفوني ؟وين؟ وكيف وصل عندك؟

شذى: ماهو عندي ، اتصلت فيك ورد علي الهندي راعي التاكسي .

حصة: خلاص الحين بشوفه يالله باي.

حصة: الوووووووووو

حميد : نعم

حصة : ياخويه: أنا صاحبة التليفون.

حميد: هلا أختي.. اسف يوم اتصلتي أنا كنت نايم ..

حصة: حصل خير كيف اقدر اخذ التليفون؟

حميد: مو مشكله انا أجيبه البيت

حصة: لاااااااااا بتسبب لي إحراج وإنته عارف ليش

حميد: على راحتك وين تبيني اجيبه

حصة : تعرف المركز الفلا ني

حميد : ايوه
حصة: إذا مافي تعب عليك.. وده الأستار بوكس.. وعطه اللي على الكونتر.. وقوله وحده بتجي تأخذه.. وأنا الحين بتصل فيهم.

حميد: إنشاء الله

حصة : شكرآ اخويه وأنا أسفه على الإزعاج.

حميد: افااا عليك أنا اللي لازم اتأسف.

حصة: على العموم يالله مع السلامة.

حميد: في أمان الله.

حميد راح وودى التليفون المكان المتفق عليه وراح يقضي مشاويره وحصة راحت وخذت موبايلها .

حميد دخل البيت وخلى موبايله في السياره ، وخذ دش وطلع .

ركب السيارة, وحصل خمسة مس كول, شاف منهو متصل.. مرتين

فيصل ، ومره محمد ، ومره علي ، بس الرقم الخامس غريب.. نسى انه اتصل على تليفونه من تليفون حصة بالغلط ..

حميد: وش هالرقم الغريب!! من متصل بي.. رقمي جديد من يومين مطلعه.

ومحد يعرفه إلا كم واحد وأنا مخزن ارقامهم ،خلني أشوف منهو هذا

حميد : الو

حصة : الو

حميد: عفوآ أختي منهو متصل على الموبايل

حصة : محد اتصلعليك تأكد من الرقم

حميد: ماهو الرقم .........

حصة : صح.. بس أنا ماتصلت على هالرقم, واصلآ أنا كنت ناسيه تلفوني في التاكسي .

حميد : اسف أختي أنا راعي التاكسي بس مادري يمكن بالغلط اسمحيلي

حصة : حصل خير

وكل منهم سكر التليفون وسرح اشوي.. معقولة اللي قاعد أيصير؟ معقولة هالصدف .؟؟
حصة : وهي جالسه تذكر كل اللي صار وشالت الموبايل في يدها ومن غير ما تشعر كان تخزن الرقم وكتبت مكان الرقم

(راعي التاكسي)

وحميد خزن الرقم بس ماكان قصده يتصل أو أي شي بس للذكرى وكتب عند الاسم (الصدفة)

ومرت الأيام والأشهر على هالموضوع وكل منهم كان بين فتره والثانيه يذكر القصة ويسرح لكن بدون ما يكون في باله شي غير الاحتفاظ بالذكرى الحلوة .

وبعد ست اشهر .

كان حميد يتمشى في مركز تجاري مع واحد من الربع اسمه فيصل

فيصل : ابغي اشتري عطور .

حميد: هذا وقت عطور.. انته محد يمشي معك.

فيصل: ذليتنا عاد دقايق بنشتري وبنطلع
حميد : أنا ماأعرف سوالفك؟ انته ما تشتري بسرعة.

فيصل: لا هاذي المرة عارف وش ابغي

حميد : يالله صداقتك طالعه عليه أغلا من بيع السوق

فيصل: ماأستاهل هالعطر
حميد : يالله أمشي أمشي

دخلو الشباب المحل وفيصل رد حق عادته يدور وكل شوي حميد.. وش رأيك بهذا وهذا .

حميد : ما يخصني.. دور اللي تبغيه ..انته ماينراح معك ..
حميد وهو جالس يقلب عينه في المحل والمحل كله مرايات وكان يشوف المحل عن طريق المرايات ، جت عينه على مستلزمات التجميل والميك اب وفجأة شاف حصة !!! ، نفس الوقت حصة شافت حميد !!! وهو شافها بس عن طريق المرايات من غير محد منهم يقدر يحدد وين مكان الثاني وكان الوقت يمر بطريقه غريبه الثواني كانت أطول من الساعات وكل منهم ماهو قادر يشيل عينه عن عيون الثاني

وبعد لحضات التفت حميد على حصة والتفتت هيه عليه وهاذي المرة من غير مرايا ...

وشوي .. فيصل من غير مايلاحظ .. يالله نطلع أنا خلصت.. وطلع فيصل مع حميد, وكانت حصة طالعه في نفس اللحظة وطلعوا الثلاثة من الباب في نفس الوقت, وكانت حصة على اليمين وبعدين حميد وبعدين فيصل

وهم عند الباب ومن غير قصد ضرب كتف حميد في كتف حصة ، وحصة خذت اليمين من باب المحل وحميد وفيصل من اليسار ،وتم حميد ساكت ! أتغير180 درجه ، وحصة نفس الشي .

حميد يكلم نفسه: معقولة هاي الصدفة ؟؟!

حصة: أتكلم نفسها هذا حلم اللي صار ولا واقع؟!

حميد: وش اللي صار وش هالقدر اللي جمعني فيها

حصة: ماهو معقولة أنا ماني مصدقة وش هالشعور اللي صابني مره وحده!؟!

حميد : أنا وش اللي صار فيني معقولة ؟

كل واحد فيهم مانام في هاي الليلة .حميد لازم أكلمها بس كيف وبأي حق ، قصدي شريف, بس أنا وش عرفني هاذي البنت, يمكن مخطوبة, ولا مرتبطة, وحتى لو لا، ماهو من حقي اتصل فيها ،بس وش أسوي وأنا ماني عارف أفكر انشل تفكيري كامل . تذكر رقم تليفونها المخزن في تليفونه وقام وكتب مسج ،

( حسيتي بالي حسيت فيه) ، وأرسل المسج .

وكانت حصة سرحانة وما عطت المسج أهميه وهي تفتح المسج انتبهت مكتوب المرسل (راعي التاكسي) ، ومن غير ماتحس ومن الارتباك مسحت المسج ، أنخبلت أنا وش سويت ؟؟!! وتمت تلوم نفسها وش أسوي؟ اتصل؟وش أقول؟ أنا ماني عارفة وش كان مكتوب في المسج..

وش اسوي؟ كيف أتصرف؟ وبعد تفكير طويل لقت حل للمشكله.

وهي على نياتها وكانت في حالة توتر وكتبت

(معك الاتصالات الرجاء إرسال المسج مره أخره للرقم الذي أرسلت له قبل قليل)

وصل المسج عند حميد قال وش السالفة؟ بأرسل مره ثانيه

(حسيتي بالي حسيت فيه)

وصل المسج عند حصة وقرته .

حصة : وش أقول؟ وش أرد؟ جلست تفكر وبعد شوي
كتبت (إحساس غريب ما قدرت أفهمه)

حميد تشجع واتصل

حصة : معقولة اتصل؟ وش اسوي؟ أرد؟ وش أقول؟ برد!!
حميد : الووووو

حصة : ساكته

حميد : الووووو

حصة ما ترد.

حميد : الظاهر أنا غير مرغوب فيني مع السلامة

حصة : لا لا لا لاتقفل

حميد : ممكن سؤال

حصة : ………. تفضل

حميد : أنتي مرتبطة بحد او محجوزة لا أحد

حصة : ……….. لا

حميد : ممكن أتقدم لك
حصة : مستغربه وزادت دقات قلبها انته وش تقول؟
حميد : أنا قلت شي غلط؟

حصة : لا بس انته ما تعرف عني شي, وكيف ترضى تتزوج وحده كلمتك بالتليفون ؟

حميد : ليش يعني وش صار لما كلمتيني في التلفون

حصة : ليش انته منت شاب مثل باقي الشباب اللي ما عنده استعداد يتزوج وحده كلمتها بالتلفون!!

حميد : ومن قالك أنى إذا تزوجت وحده ما كلمتهابالتلفون ما بتكون كلمت حد غيري قبل الزواج

حصة : بس لازم تتأكد من أخلاقي قبل

حميد : وش الفايده الموضوع طلع من أيدي
حصة : عند مين الموضوع

حميد : قلبي

حصة : انته وش اسمك
حميد : حميد

حصة : عاشت ألا سامي وانا

حميد : لا تكملين حصة

حصة : كيف عرفت

حميد : يوم اتصلت قريبتك يوم كان موبايلك عندي قالت حصه

حصة : حميد

حميد : هلا

حصة : بتصدقني إذا قلت لك انك أول رجال غريب أكلمه

حميد : حصة .. اتصدقين انك ريحتيني بكلمتك هذه

حصة : حميد

حميد : عيوني!!

حصة : ممكن تفكر اكثر وما تتسرع؟.
حميد : ممكن رقم بيتك عشان أهلي يتصلون ويحددون زيارة لأهلي.
حصة : يعني مصمم؟
حميد : أجل ما يشرفكم راعي تاكسي

حصة : محشوم انته ولد حلال بس ممكن اتكلمني عن وضعك

حميد : أنا وحيد أمي وأبوي, وأبوي متوفي وأنا عايش مع الوالدة موظف وراتبي 9 آلاف، وعدنا فيلا صغيره عايشين فيها أنا وامي ,عندنا ثلاث بيوت قدام مأجرينهم ويدخلون بحدود 4 آلاف في الشهر وماني مرتبط .

حصة : كم عمرك ؟

حميد : 27 سنه.

حصة : كانت لك علاقات من قبل؟

حميد : أكذب عليك إذا قلت لا بس الحين ماحد بحياتي من قبل ما أعرفك.. حتى رقم موبايلي ماغيرته ماحد يعرفه غير شوي من أصدقائي

حميد : بعد تبين تعرفين شي ؟

حصة : سلامتك

حميد : ممكن الرقم

حصة : اوكيه

وتصلو آهل حميد بأهل حصة وصار النصيب وتزوجا في نفس الصالة اللي وصلهم فيها حميد يوم كان

راعي التاكسي ....................